பொருளாதார நெருக்கடி: 43 ஜெட் என்ஜீனியர்கள் நீக்கம்

டெல்லி: பொருளாதார சீர்குலைவின் எதிரொலியாக மேற்கொள்ளப்பட்டு வரும் சீரமைப்பு நடவடிக்கையின் ஒரு பகுதியாக 43 பயிற்சி தொழில்நுட்ப வல்லுநர்களை நீக்கியள்ளது ஜெட் ஏர்வேஸ் நிறுவனம்.

இவர்கள் அனைவரும் ஒப்பந்த அடிப்படையில் பணியாற்றி வந்தவர்கள்.

இவர்களை பணி நீக்கம் செய்வது தொடர்பாக உரிய முறையில் நோட்டீஸ் அனுப்பப்பட்டுள்ளதாக ஜெட் தெரிவித்துள்ளது.

இவர்களில் சிலருக்கு விமான நிறுவனத்தின் வேறு பிரிவுகளில் பணியாற்றும் வாய்ப்பை அளித்துள்ளதாம் ஜெட்.

கடந்த ஆண்டு 1500 பேரை நீக்கப் போவதாக ஜெட் அறிவித்தது. ஆனால் அதற்கு கடும் எதிர்ப்பு கிளம்பவே அந்த முடிவை திரும்பப் பெற்றது என்பது நினைவிருக்கலாம்.