ஆமைகள் 'செக்ஸ்'-விமான சேவை பாதிப்பு!

நியூயார்க்: ரன் வேயின் நடுவே வந்து செக்ஸ் வேலைகளில் ஆமைகள் ஈடுபட்டதால், நியூயார்க் ஜான் எப் கென்னடி விமான நிலையத்தில் விமான சேவை பெரும் பாதிப்பை சந்தித்தது.

அதிகாரிகள் கடுமையாகப் போராடி ஆமைகளை தூக்கிக் கொண்டு வெளியில் விட்ட பின்னரே விமான சேவை நார்மல் ஆனது.

ஜமைக்கா கடல் பகுதியிலருந்து வந்த 78 ஆமைகள் நியூயார்க் வி்மான நிலையத்தின் முக்கிய ரன்வேக்கு வந்து இனப்பெருக்க வேலையில் ஈடுபட்டன.

இதனால் விமான சேவை பாதிக்கப்பட்டது. இதையடுத்து கிட்டத்தட்ட அரை மணி நேரம் போராடி ஆமைகளை அங்கிருந்து அகற்றினர் அதிகாரிகள்.

ஆமைகளின் செக்ஸ் காரணமாக விமானங்கள் புறப்படுவதிலும், வருவதிலும் தாமதம் ஏற்பட்டது. கிட்டத்தட்ட ஒன்றரை மணி நேரம் விமான நிலையத்தில் சேவை பாதிக்கப்பட்டது.

ஆமைகளை பிரித்துக் கொண்டு போய் விட்டனரா அல்லது ஜோடியாக தங்களது வேலையைத் தொடரும் வகையில் விட்டனரா என்பது தெரியவில்லை.