ராமேஸ்வரத்தில் ஹர்பஜன், ஸ்ரீசாந்த் தரிசனம்!

ராமேஸ்வரம்: கிரிக்கெட் வீர்ரகளான ஹர்பஜன் சிங் மற்றும் ஸ்ரீசாந்த் ஆகியோர் ராமேஸ்வரம் வந்து அங்குள்ள ராமநாதசுவாமி கோவிலில் சாமி கும்பிட்டனர்.

விளம்பரப் படம் ஒன்றில் நடிப்பதற்காக இரு வீரர்களும் ராமேஸ்வரம் வந்தனர். இதையடுத்து இருவரும் கோவிலுக்குச் சென்று சாமி கும்பிட்டனர்.

உச்சிப்புளி அருகே உள்ள அரியமான் கடற்கரைப் பகுதியில் இருவரும் கிரிக்கெட் விளையாடுவது போல படப்பிடிப்பு நடந்தது.

இரு கிரிக்கெட் வீரர்களும் கோவிலுக்கு வந்திருப்பதை அறிந்து ஏகப்பட்ட ரசிகர்கள் கூடி விட்டனர். இதையடுத்து போலீஸார் பலத்த பாதுகாப்பு தந்து இரு வீரர்களையும் பத்திரமாக அழைத்துச் சென்றனர்.

ஐபிஎல் முதலாவது போட்டித் தொடரில் மும்பை அணியில் இடம் பெற்றிருந்த ஹர்பஜன் சிங் சண்டிகரில் நடந்த போட்டியின்போது பஞ்சாப் அணியைச் சேர்ந்த ஸ்ரீசாந்த்துக்கு பளார் என அறை விட்டது நினைவிருக்கலாம்.