டெலிபிராம்ப்டர் உடைந்து சிதறியதால் தடைபட்ட ஒபாமா பேச்சு

வாஷிங்டன்: அமெரிக்க அதிபர் பாரக் ஒபாமா, அமெரிக்க பொருளாதார நிலை குறித்தும், உதவி நிதித் திட்டம் குறித்தும் பேசத் தொடங்கிய சில நிமிடங்களிலேயே அவருக்கு முன்பு இருந்த டெலிபிராம்ப்டர் திரை கீழே விழுந்து உடைந்து சிதறியதால் பேச்சு தடைபட்டது.

சாதாரணமான முறையில் பேசினாலும் கூட தனக்கு முன்னால் டெலிபிராம்ப்டரை வைத்துக் கொண்டுதான், அதைப் பார்த்தபடிதான் பேசுவார் ஒபாமா.

இந்த நிலையில், வாஷிங்டன் வெள்ளை மாளிகை வளாகத்தில் உள்ள எய்ஸனோவர் செயல் அலுவலக கட்டட கலையரங்கில் நடந்த நிகழ்ச்சியில் பேசினார் ஒபாமா.

அப்போது அவருக்கு முன்பு டெலிபிராம்ப்டர் திரை வைக்கப்பட்டிருந்தது. ஒபாமா தனது பேச்சைத் தொடங்கிய சில நிமிடங்களிலேயே அது திடீரென நழுவி கீழே விழுந்து சிதறிப் போனது.

இதனால் ஒபாமா தனது பேச்சை நிறுத்திநார். ஓ காட்னஸ் என்று கூறிய அவர் ஸாரி நண்பர்களே என்று பார்வையாளர்களைப் பார்த்துக் கூறினார்.

டெலிபிராம்ப்டர் உடைந்து போனதால் மறுபடியும் தனது உரையைப் படிக்கத் தொடங்கினார் ஒபாமா. இதனால் அரங்கில் சிரிப்பொலி எழுந்தது.

மாநகர மேயர்கள், நிர்வாக அதிகாரிகள், நகர்ப்புற கொள்கை வகுப்பாளர்கள் என ஏகப்பட்ட பேர் கூடியிருந்த அரங்கில், இப்படி நடந்ததால் சிறு சலசலப்பு ஏற்பட்டது.