மாணவர்களுக்கு தனது செக்ஸ் டிவிடி கொடுத்த ஆசிரியை

கலிபோர்னியா: அமெரிக்காவில் 5ம் வகுப்பு பள்ளி மாணவர்களுக்கு ஒரு ஆசிரியை கொடுத்த டிவிடியில், அந்த ஆசிரியை நிர்வாண கோலத்தில் இருக்கும் செக்ஸ் படம் இடம் பெற்றிருந்தது பெரும் பரபரப்பை ஏற்படுத்தியுள்ளது.

தனது வீட்டில் எடுக்கப்பட்ட இந்த செக்ஸ் படத்தை, தெரியாத்தனமாக மாணவர்களுக்கு கொடுக்கவிருந்த டிவியில் ஆசிரியை இணைத்ததால் வந்த கன்றாவி இது.

வகுப்பறையில் மாணவர்கள் நடந்து கொண்டதை, ஜாலி நிகழ்ச்சிகளை படம் பிடித்த அந்த ஆசிரியை, அதை ஒரு டிவிடியாக மாற்றி காப்பி போட்டு அத்தனை பேருக்கும் விநியோகித்தார்.

சந்தோஷமாக வாங்கிச் சென்ற குழந்தைகள், அதை தங்களது பெற்றோரிடம் கொடுத்து டீச்சர் கொடுத்தாங்க என்று கூறியுள்ளனர். பெற்றோரும் ஆர்வத்துடன் அதைப் போட்டு பார்த்தபோது திடீரென நம்ம ஊர் தியேட்டர்களில் ஓடும் மலையாளப் பட பிட் மாதிரி, டீச்சர் செக்ஸ் லீலையில் ஈடுபட்டிருந்த ஒரு காட்சி ஓடத் தொடங்கியது.

இதைப் பார்த்து அதிர்ந்து போன பெற்றோர்கள், வேகம் வேகமாக டிவிடியை பிளேயரிலிருந்து உருவி விட்டனர்.

இந்த தகவல் ஆசிரியைக்கும், பள்ளி நிர்வாகத்திற்கும் போன பின்னர்தான் ஆசிரியை தான் செய்த தவறை உணர்ந்தார்.

தனது வீட்டில் நடந்த அந்த சம்பவத்தை படமாக்கி வைத்திருந்த அவர் தவறுதலாக அதை பள்ளிக்கூட மாணவர்களுக்கு கொடுக்கவிருந்த டிவியில் சேர்த்து விட்டார்.

உடனடியாக அனைத்துப் பெற்றோர்களிடமும் தனித் தனியாக மன்னிப்பு கேட்டாரம் அந்த ஆசிரியை.

இந்த விவகாரத்தை உள்ளூர் கல்வி அதிகாரிகள் விசாரித்து வருகின்றனர். இருப்பினும் ஆசிரியைக்கு வேலை போகாது என்று தெரியாது. காரணம் அவர் நன்றாக பாடம் எடுக்கக் கூடிய ஆசிரியையாம். மேலும் அவர் மீது அனைவரும் நல்லெண்ணத்துடன் இருப்பதால் மன்னித்து விடப்படுவார் எனத் தெரிகிறது.