விமான எரிபொருள் விலை குறைகிறது!

மும்பை: சர்வதேச சந்தையில் கச்சா எண்ணெய் விலை சரிந்து வருவதைத் தொடர்ந்து விமான எரிபொருளுக்கான விலையை 5 முதல் 6 சதவிகிதம் வரை குறைக்க முடிவு செய்துள்ளது மத்திய அரசு.

இதுகுறித்த அதிகாரப்பூர்வ அறிவிப்பு இன்னும் சில தினங்களில் வெளியாகும் எனத் தெரிகிறது.

ஆனாலும் விமானக் கட்டணங்களை உடனடியாகக் குறைக்கும் திட்டம் ஏதுமில்லை என விமான நிறுவனங்கள் தெரிவித்துள்ளன.

விமான எரிபொருள் விலை குறைக்கப்பட்டால், அதனால் ஏற்படும் லாபத்தைக் கொண்டு இதுவரை ஏற்பட்ட நஷ்டத்தைச் சரிகட்டப் பயன்படுத்திக் கொள்ளும் முடிவில் உள்ளன விமான நிறுவனங்கள்.

விமான எரிபொருள் கட்டணக் குறைப்பு பற்றி மட்டும் நேற்று பேசிய மத்திய பெட்ரோலியத் துறை அமைச்சர் முரளி தியோரா, சாதாரண பெட்ரோல் மற்றும் டீஸலின் விலை குறைக்கப்படுமா என்பது குறித்து எந்த பதிலும் சொல்லாமல் மழுப்பிவிட்டார்.