ஐடிபிஐ லாபம் ரூ 171 கோடி!

மும்பை: ஐடிபிஐ வங்கி நடப்பு நிதி ஆண்டின் முதல் காலாண்டில் ரூ. 171.83 கோடி லாபம் ஈட்டியுள்ளது. இது அவ்வங்கியின் முந்தைய ஆண்டின் காலாண்டு லாபத்தைவிட 7.56 சதவீதம் கூடுதலாகும்.

கடந்த ஆண்டு இந்த வங்கி ஈட்டிய லாபம் ரூ. 159.76 கோடியாகும்.

வங்கியின் மொத்த வருமானம் ரூ. 4,218 கோடியாக உயர்ந்துள்ளது. முந்தைய ஆண்டு இதேகாலத்தில் வங்கியின் வருமானம் ரூ. 2,756 கோடி மட்டுமே என்பது குறிப்பிடத்தக்கது.

வங்கியின் லாபம் அதிகரித்ததைத் தொடர்ந்து வங்கிப் பங்கு விலை மும்பை பங்குச் சந்தையில் புதன்கிழமை 5.5 சதவீதம் அதிகரித்து ரூ. 99.80-க்கு விற்பனையானது.

ஆரம்பத்தில் தொழில் துறையினருக்கு மட்டுமே கடன் அளிக்கும் சிறப்பு நிதி நிறுவனமாக இருந்து ஐடிபிஐ, பின்னர் வணிக வங்கியாக மாற்றப்பட்டது. இப்போது நாடுமுழுவதும் 570 கிளைகள் மற்றும் 978 ஏடிஎம்களுடன் செயல்படுகிறது இந்த வங்கி.