ஸ்ரீவைகுண்டம் இந்திய கம்யூ. வேட்பாளர் தனலட்சுமி

சென்னை: ஸ்ரீவைகுண்டம் தொகுதி இடைத் தேர்தலில் இந்திய கம்யூனிஸ்ட் கட்சியின் சார்பில் ஜி.தனலட்சுமி போட்டியிடுகிறார்.

இத் தகவலை அக் கட்சியின் மாநிலச் செயலாளர் தா.பாண்டியன் தெரிவித்தார்.

கோவில்பட்டியில் தூத்துக்குடி மாவட்ட கட்சி நிர்வாகிகளுடன் ஆலோசனை நடத்திய அவர் நிருபர்களிடம் பேசுகையில்,

இடைத் தேர்தலில் பர்கூர், ஸ்ரீவைகுண்டம் தொகுதிகளில் இந்திய கம்யூனி்ஸ்ட் போட்டியிடுகிறது. இதில் ஸ்ரீவைகுண்டம் தொகுதியில் கட்சியின் நீண்ட நாள் உறுப்பினரான ஜி.தனலட்சுமி போட்டியிடுவார்.

பர்கூர் தொகுதிக்கான வேட்பாளர் விரைவில் அறிவிக்கப்படுவார் என்றார்.