கைகோர்த்தன யாகூ-மைக்ரோசாப்ட்!

கலிபோர்னியா: சர்ச் என்ஜின், இன்டர்நெட் மார்க்கெட்டிங் ஆகியவற்றில் மைக்ரோசாப்ட் நிறுவனமும் யாகூவும் இணைந்து செயல்பட திட்டமிட்டுள்ளன.

இதன்மூலம் யாகூவின் சர்ச் என்ஜினை இனிமேல் மைக்ரோசாப்ட் கையாளும். அதே நேரத்தில் யாகூ மற்றும் மைக்ரோசாப்டின் பிங் சர்ச் என்ஜினுக்கான உலகம் தழுவிய விளம்பரப் பணிகளை யாகூ கையாளும் என்று அறிவிக்கப்பட்டுள்ளது.

இது தொடர்பான ஒப்பந்தம் இன்று யாகூ தலைமை செயல் அதிகாரி கரோல் பர்ட்ஸ், மைக்ரோசாப்ட் தலைமை செயல் அதிகாரி ஸ்டீவ் பார்மர் ஆகியோர் இன்று கையெழுத்திட்டனர்.

இதன் மூலம் இன்டர்நெட் விளம்பர வருவாயில் கூகுளுக்கு கடும் போட்டி கொடுக்க இந்த இரு நிறுவனங்களும் திட்டமிட்டுள்ளன. முதலில் யாகூவை வாங்க மைக்ரோசாப்ட் முயன்றது குறி்ப்பிடத்தக்கது. அந்த முயற்சி தோல்வியடைந்ததால் இரு நிறுவனங்களும் இணைந்து பணியாற்ற முடிவு செய்துள்ளன.