பர்கூர் - தேமுதிக வேட்பாளர், மாற்று வேட்பாளர் வேட்பு மனுக்கள் தள்ளுபடி

பர்கூர்: பர்கூர் தொகுதியில் தேமுதிக வேட்பாளர் மற்றும் அக்கட்சியின் மாற்று வேட்பாளர் ஆகியோரின் வேட்பு மனுக்கள் தள்ளுபடி செய்யப்பட்டு விட்டன. இதனால் பர்கூர் தொகுதியில் தேமுதிக போட்டியிடாத நிலை ஏற்பட்டுள்ளது.

ஐந்து சட்டசபை தொகுதிகளில் நடைபெறவுள்ள இடைத் தேர்தலில் போட்டியிட விரும்பி மொத்தம் 120 வேட்பு மனுக்கள் தாக்கல் செய்யப்பட்டன.

இந்த வேட்பு மனுக்கள் இன்று பரிசீலனைக்கு எடுத்துக் கொள்ளப்பட்டன.

பர்கூரில்...

பர்கூர் தொகுதியில் தேமுதிக சார்பில் போட்டியிட மனு செய்திருந்த வேட்பாளர் சந்திரனின் வேட்பு மனு தள்ளுபடி செய்யப்பட்டது. அதேபோல மாற்று வேட்பாளராக மனு தாக்கல் செய்திருந்த சுந்தரராஜன் மனுவும் தள்ளுபடியாகி விட்டது.

இதனால் தேமுதிக வட்டாரம் அதிர்ச்சியில் மூழ்கியுள்ளது. இதுகுறித்து தேர்தல் அதிகாரி விளக்குகையில் இரு மனுக்களும் முறையாக பூர்த்தி செய்யப்படாத காரணத்தால்தான் நிராகரிக்கப்பட்டதாக தெரிவித்தார்.

பர்கூர் தொகுதியில் மொத்தம் 17 மனுக்கள் தள்ளுபடி செய்யப்பட்டன.

கம்பத்தில்...

கம்பம் தொகுதியில் 6 மனுக்கள் தள்ளுபடி செய்யப்பட்டன. 17 மனுக்கள் ஏற்கப்பட்டன.

இளையாங்குடியில் ...

இளையாங்குடியில் தாக்கலாகியிருந்த 17 மனுக்களில் 10 மனுக்கள் தள்ளுபடி செய்யப்பட்டன. மீதமுள்ள 7 மனுக்களும் ஏற்கப்பட்டன.

ஸ்ரீவைகுண்டத்தில் ...

ஸ்ரீவைகுண்டம் தொகுதியில் தாக்கல் செய்யப்பட்ட 22 மனுக்களில் 11 மனுக்கள் ஏற்கப்பட்டன. மீதமுள்ள 11 மனுக்கள் தள்ளுபடி செய்யப்பட்டன.

தொண்டாமுத்தூரில் ...

தொண்டாமுத்தூர் தொகுதியில், மொத்தம் 31 மனுக்கள் தாக்கல் செய்யப்பட்டிருந்தன. அவற்றில் 7 மனுக்கள் தள்ளுபடி செய்யப்பட்டன.