தங்கம் விலை திடீர் சரிவு! சவரனுக்கு ரூ.200 குறைவு!!

சென்னை: தங்கத்தின் விலையில் நேற்று திடீரென ஒரு சவரனுக்கு ரூ.200 குறைந்தது.

கடந்த சில தினங்களாகவே தங்கத்தின் விலை கணிக்க முடியாத அளவு மாறுதல்களுக்கு உள்ளாகி வருகிறது.

ஒருநாள் விலை ஏறுவதும், மறுநாள் குறைவதுமாக இருந்து வருகிறது. நேற்று முன்தினம் ஒரு கிராம் தங்கம் ரூ.1,395-க்கும், பவுன் ரூ.11,160-க்கும் விற்பனை செய்யப்பட்டது.

தங்கத்தின் இந்த விலையில் நேற்று மிகப்பெரிய மாற்றம் காணப்பட்டது. நேற்று ஒரே நாளில் தங்கம் கிராமுக்கு ரூ.25 குறைந்து, 1,370-க்கு விற்பனை செய்யப்பட்டது. பவுன் நேற்று முன்தினத்தை விட நேற்று ரூ. 200 குறைந்து ரூ.10,960-க்கு விற்பனையானது.

தங்கத்தின் இந்த அதிரடி விலை குறைவு பெண்களுக்கு பெரிய மகிழ்ச்சியை ஏற்படுத்தியது. பல நகைக் கடைகளில் பிற்பகலுக்கு மேல் பெண்கள் கூட்டம் அலைமோதியது.

சர்வதேச அளவில் தங்கத்தின் விலையில் காணப்பற்ற நெகிழ்ச்சித்தன்மையே இந்த திடீர் விலைக் குறைப்புக்குக் காரணமாகும்.