மகளிர் சிறப்பு ரயில் - வீடியோ கான்பரன்ஸ் மூலம் தொடங்கி வைக்கிறார் மமதா

சென்னை: சென்னையில் ஆகஸ்ட் 5ம் தேதி முதல் இயக்கப்படவுள்ள மகளிர் சிறப்பு ரயில்களை ரயில்வே அமைச்சர் மமதா பானர்ஜி வீடியோ கான்பரன்சிங் மூலம் தொடங்கி வைக்கிறார்.

மத்திய ரயில்வே பட்ஜெட்டில் முக்கிய நகரங்களில் மகளிர் சிறப்பு ரயில்கள் இயக்கப்படும் என அறிவிக்கப்பட்டது.

அதன்படி சென்னையில், கடற்கரை முதல் தாம்பரம், வேளச்சேரி, அரக்கோணத்திற்கு பீக் அவர்ஸ் எனப்படும் காலை மற்றும் மாலை நேரங்களில் சிறப்பு மகளிர் ரயில்கள் இயக்கப்படவுள்ளன.

இந்த ரயில்களை வருகிற 5ம் தேதி ரயில்வே அமைச்சர் மமதா பானர்ஜி, டெல்லியில் இருந்தபடி வீடியோ கான்பரன்சிங் மூலம் பச்சைக் கொடி காட்டி தொடங்கி வைப்பார் என ரயில்வே துறை அறிவித்துள்ளது.