ஒபாமா விரைவில் இந்தியா வருவார் - அமெரிக்கா

வாஷிங்டன்: அதிபர் பாரக் ஒபாமா விரைவில் இந்தியா வருவார் என்று வெள்லை மாளிகை செய்தித் தொடர்பாளர் ராபர்ட் கிப்ஸ் தெரிவித்துள்ளார்.

இருப்பினும் அடுத்த மூன்று மாதங்களுக்குள் அவர் இந்தியா வருவதற்கான வாய்ப்பில்லை என்றார் அவர்.

இதுகுறித்து செய்தியாளர்களிடம் அவர் பேசுகையில், அதிபர் இந்தியாவுக்கு விரைவில் விஜயம் செய்வார் என்பதை நான் அறிவேன். ஆனால் அடுத்த மூன்று மாதங்களுக்குள் இது நடைபெறாது என்பது உறுதியாகத் தெரியும். காரணம் அதிபரின் அடுத்த மூன்று மாதத் திட்டத்தில் இந்தியப் பயணம் இல்லை என்றார் அவர்.

இந்த ஆண்டு நவம்பர் மாதம் பிரதமர் மன்மோகன் சிங் அரசுமுறைப் பயணமாக அமெரிக்கா செல்கிறார். அதன் பின்னர் ஒபாமா இந்தியா வருவார் எனத் தெரிகிறது.