பணவீக்கம் மேலும் சரிவு!

டெல்லி: தொடர்ந்து மூன்றாவது வாரமாக பணவீக்க விகிதம் பெரும் சரிவுக்கு உள்ளாகியுள்ளது.

ஜூலை 25-ம் தேதியுடன் முடிவடைந்த வார நிலவரப்படி இந்திய பொருளாதார பணவீக்க அளவு -1.58 புள்ளிகளாகும்.

அதற்கு முந்தைய வாரம் இது -1.54 சதவிகிதமாக இருந்தது.

கடந்த ஆண்டு இதே காலகட்டத்தில் பணவீக்கம் 12.53 புள்ளிகளாக இருந்தது.

எரிபொருள்கள், மின்சாரம் மற்றும் எண்ணெய் பொருட்களின் விலையில் எந்த மாற்றமும் இல்லை.

ஆனால் மீன்கள், காய்கறிகள், பழங்கள், பருப்பு வகைகள், இறைச்சி, மசாலா பொருட்கள் என அத்தியாவசியப் பொருட்களின் விலை ஒரு பக்கம் கடுமையாக உயர்ந்திருந்தாலும், பணவீக்கம் இன்னமும் மைனஸை விட்டுத் தாண்டாமல் உள்ளது.