யுஎஸ் ஏவுகணை தாக்குதல்-பாக் தலிபான் தலைவர் பலி

வாஷிங்டன்: பாகிஸ்தானின் மிக முக்கிய தீவிரவாதியும், தலிபான் அமைப்பின் முக்கியத் தலைவருமான பைதுல்லா மெஹ்சூத் அமெரிக்க ஏவுகணைத் தாக்குதலில் கொல்லப்பட்டார்.

வட மேற்கு பாகிஸ்தானில் அமெரிக்காவின் விமானியில்லா விமானங்கள் (unmanned aerial vehicle-UAV) நடத்திய ஏவுகணைத் தாக்குதலில் மெஹ்சூதின் மாமனாரின் வீடு நொறுங்கியது.

இந்த வீட்டில் தான் மெஹ்சூத் இருந்ததாகக் கருதப்படுகிறது. இதனால் மெஹ்சூத் பலியாகியிருக்கலாம் என்று அமெரிக்க ராணுவம் கருதுகிறது.

இத் தாக்குதலில் மெஹ்சூதி்ன் இரண்டாவது மனைவி பலியாகிவிட்டதும் மேலும் 4 பேர் காயமடைந்துள்ளதும் உறுதி செய்யப்பட்டுள்ளது.

பாகிஸ்தான் முன்னாள் பிரதமர் பெனாசிர் பூட்டோவின் கொலைக்குக் காரணமானவர் மெஹ்சூத் என்பது குறிப்பிடத்தக்கது.

தலிபான் உறுதி செய்தது...

இந் நிலையில் மெஹ்சூத் கொல்லப்பட்டுவிட்டதை தலிபான் அமைப்பும் உறுதி செய்துள்ளதாக பாகிஸ்தானின் டான் செய்தி நிறுவனம் அறிவித்துள்ளது.