இந்து மதத்துக்கு மாறிய 207 தலித் கிறிஸ்தவர்கள்

திண்டுக்கல்: கொடைக்கானல் அருகே 207 தலித் கிறிஸ்துவர்கள் விஸ்வ இந்து பரிஷத் தலைவர்கள் முன்னிலையில் இந்து மதத்தை தழுவினர்.

கொடைக்கானலுக்கு அருகே தாமரைகுளம் என்ற கிராமம் உள்ளது. இங்கு தலித் கிறிஸ்தவ குடும்பங்கள் பல வசித்து வருகின்றன.

இந் நிலையில் கடந்த 9ம் தேதி அவர்களில் 54 குடும்பத்தை சேர்ந்த சுமார் 207 பேர் தாங்கள் புறக்கணிக்கப்படுவதாக கூறி இந்து மதத்துக்கு மாறினர்.

இந்த மதமாற்ற நிகழ்ச்சிக்கு மதுரை மண்டல விஸ்வ இந்து பரிஷத் தலைவர் அசோகன் தலைமை தாங்கினர். நிகழ்ச்சியில் பங்கேற்ற விஸ்வ இந்து பரிஷத்தின் செயல் தலைவர் வேதாந்தம் மதம் மாறியவர்களுக்கு பரிசு பொருட்களை வழங்கினார்.

பின்னர் நிகழ்ச்சியில் அவர் பேசுகையில், பிற மதங்களில் ஆதி திராவிடர்கள் புறக்கணிக்கப்படுகின்றனர். இந்து மதத்திற்கு வருபவர்களை மகிழ்ச்சியோடு வரவேற்கிறோம் என்றார் வேதாந்தம்.