டெல்லி: முதல்வர்கள் மாநாட்டில் ஸ்டாலின்

சென்னை: டெல்லியில் வரும் 17ம் தேதி நடக்கும் முதல்வர்கள் மாநாட்டில் முதல்வர் கருணாநிதிக்குப் பதிலாக துணை முதல்வர் ஸ்டாலின் கலந்து கொள்கிறார்.

பிரதமர் மன்மோகன் சிங் தலைமையில் நடக்கும் இந்த மாநாட்டில் நாட்டின் பாதுகாப்பு, தீவிரவாத ஊடுருவலைத் தடுத்தல் ஆகிய விவகாரங்கள் குறித்து ஆலோசி்க்கப்படவுள்ளது.

மேலும் மாநிலங்களின் வளர்ச்சி திட்டங்கள், பன்றி காய்ச்சலை கட்டுப்படுத்தும் நடவடிக்கைகள், வறட்சி நிலவரம், விலைவாசி உயர்வை கட்டுப்படுத்தல், நதி நீர் பங்கீடு உள்பட பல்வேறு விவகாரங்கள் குறித்தும் பேசப்படவுள்ளது.

இந்த மாநாட்டில் முதல்வர் கருணாநிதி சார்பில் துணை முதல்வர் ஸ்டாலின் கலந்து கொள்வார் என்று அறிவிக்கப்பட்டுள்ளது.