விரைந்த வளர்ச்சி: உலகின் டாப் 100 நிறுவனங்கள் பட்டியலில் இன்போஸிஸ்!

நியூயார்க்: விரைவான வளர்ச்சி பெற்று வரும் உலகின் டாப் 100 நிறுவனங்களைப் பட்டியலிட்டுள்ளது ஃபார்ச்சூன் பத்திரிகை.

இந்தப் பட்டியலில் கூகுள், ஆப்பிள், பிளாக்பெர்ரி போன் தயாரிப்பில் புகழ்பெற்ற ரிசர்ச் இன் மோஷன், காக்னிஸைன்ட் ஆகியவற்றுடன் இந்தியாவின் முன்னணி ஐடி நிறுவனமான இன்போஸிஸ் நிறுவனமும் இடம் பெற்றுள்ளது.

இன்போஸிஸ் நிறுவனத்துக்கு 100வது இடத்தை இந்தப் பட்டியலில் தந்துள்ளது ஃபார்ச்சூன் நிறுவனம். கூகுளுக்கு 39வது இடமும், காக்னிஸைன்டுக்கு 90 வது இடமும் கிடைத்துள்ளது. ஆப்பிள் நிறுவனம் 68வது இடத்தில் உள்ளது.

காக்னிஸைன்ட் வளர்ச்சியில் சீனா மற்றும் இந்தியாவின் பங்குதான் அதிகமாக இருக்கும் என்றும் ஃபார்ச்சூன் தெரிவித்துள்ளது.

நாஸ்டாக் ஓஎம்எக்ஸ் குழுமம், அமேசான்.காம்., ட்ரீம்வொர்க்ஸ் அனிமேஷன் உள்ளிட்ட நிறுவனங்களும் இந்தப் பட்டியலில் இடம்பெற்றுள்ளன.