வேர்டு விற்பனைக்கு தடை-எதிர்த்து மைக்ரோசாப்ட் மேல் முறையீடு
தங்களுக்குச் சொந்தமான தொழில்நுட்பத்தைப் பயன்படுத்தி 'வேர்டு-2003' மென்பொருளை மைக்ரோசாப்ட் விற்பனை செய்வதாகக் கூறி கனடாவின் டொரண்டோவைச் சேர்ந்த 'i4i' நிறுவனம் 2007-ல் வழக்குத் தொடர்ந்தது. இந்த வழக்கில் மைக்ரோசாப்டுக்கு எதிராக தீர்ப்பு வெளியானது. புகழ்பெற்ற வேர்டு மென்பொருள் விற்பனைக்குத் தடைவிதித்து தீர்ப்பளித்தது டெக்ஸாஸ் நீதிமன்றம்.
மேலும் 60 தினங்களுக்குள் 290 மில்லியன் டாலர் நஷ்ட ஈட்டை i4i நிறுவனத்துக்குச் செலுத்த வேண்டும் என உத்தரவிட்டது.
இந்த தீர்ப்பை எதிர்த்து தற்போது அமெரிக்க நீதிமன்றத்தில் மேல் முறையீடு செய்துள்ளது மைக்ரோசாப்ட் நிறுவனம்.
i4i நிறுவனம் இந்த மென்பொருளைச் சொந்தம் கொண்டாட முடியாது என்றும், வேர்டு 2003-க்கு துணை மென்பொருட்களைத்தான் இந்த நிறுவனம் தயாரித்திருப்பதாகவும், வேர்டு 2003 தங்களுடைய பிரத்தியேக தயாரிப்பு என்றும் தனது மனுவில் மைக்ரோசாப்ட் கூறியுள்ளது.
எனவே வேர்டு 2003 விற்பனைக்கு விதிக்கப்பட்டுள்ள தடைக்கு தடை விதிக்குமாறு மைகேரோசாப்ட் கேட்டுக் கொண்டுள்ளது.