கம்பத்தில் திமுக வெற்றி: இரட்டிப்பான தேமுதிக வாக்குகள்

கம்பம்: கம்பம் தொகுதியில் திமுக வேட்பாளர் ராமகிருஷ்ணன் 57 ஆயிரத்து 373 வாக்குகள் வித்தியாசத்தில் வெற்றி பெற்றார்.

ராமகிருஷ்ணனுக்கு 81,515 வாக்குகள் கிடைத்தன.

அவரை எதிர்த்துப் போட்டியிட்ட தேமுதிக வேட்பாளர் அருண்குமார் 24,142 வாக்குகள் பெற்று 2வது இடத்தைப் பிடித்தார்.

மார்க்சிஸ்ட் வேட்பாளரான ராஜப்பன் பெற்ற ஓட்டுக்கள்-2,303. இவராவது பரவாயில்லை இந்தத் தொகுதியில் பாஜக வேட்பாளர் வெறும் 946 வாக்குகளைத் தான் பெற்றுள்ளார்.

இத்தொகுதியை மதிமுகவிடமிருந்து கைப்பற்றியுள்ளது திமுக. மதிமுக சார்பிலும் ராமகிருஷ்ணன்தான் முன்பு எம்.எல்.ஏவாக இருந்தார் என்பது குறிப்பிடத்தக்கது.

தேமுதிக வாக்குகள் இரட்டிப்பாகின...

கம்பம் ராமகிருஷ்ணன் கடந்த முறையை வாங்கியதை விட இம்முறை கூடுதலான ஓட்டுக்களைப் பெற்றுள்ளார்.

கடந்த முறை மதிமுக சார்பில் போட்டியிட்ட அவர் 50,761 வாக்குகளைப் பெற்றார். இம்முறை கூடுதலாக 30,754 வாக்குகள் அவருக்குக் கிடைத்துள்ளன.

கடந்த பொதுத் தேர்தலில் திமுகவுக்கு இங்கு 48,803 ஓட்டுக்கள் கிடைத்தன.

கடந்த தேர்தலில் தேமுதிகவுக்கு இங்கு 12,360 ஓட்டுக்கள் கிடைத்தன. ஆனால் இந்த முறை போட்டியிட்ட அருண்குமார் 24,142 வாக்குகளைப் பெற்றுள்ளார். இங்கு தேமுதிகவுக்கு வாக்கு பலம் அப்படியே இரட்டிப்பாகியுள்ளது.