தமிழகம் முழுவதும் பரவலாக நல்ல மழை - 2 நாள் நீடிக்கும்

சென்னை: தமிழகம் முழுவதும் இன்று காலை முதல் பரவலாக நல்ல மழை பெய்துள்ளது.

வானிலையில் ஏற்று காற்றின் சுழற்சி காரணமாக இன்று காலை முதல் தமிழகத்தின் பல்வேறு பகுதிகளிலும் பரவலாக மழை பெய்துள்ளது. குறிப்பாக கடலோரப் பகுதிகளில் நல்ல மழை பெய்துள்ளது.

சென்னை நகரில், இன்று காலை முதல் லேசான மழை பெய்து வருகிறது. இதன் காரணமாக அலுவலகம் செல்வோர், பள்ளி, கல்லூரிகளுக்குச் செல்வோர் பெரும் அவதிக்குள்ளானார்கள்.

புறநகர்களில் பல சாலைகள் சேறும் சகதியுமாக மாறியதால் வாகன ஓட்டுநர்கள் பெரும் சிரமத்தை சந்திக்க நேர்ந்தது.

இந்த மழை மேலும் 2 நாட்களுக்கு நீடிக்கும் என வானிலை ஆய்வு மையம் தெரிவித்துள்ளது.