அழகிரி முன்னிலையில் திமுகவில் ஐக்கியமான குமரி அதிமுக நிர்வாகிகள்

மதுரை: கன்னியாகுமரி மாவட்டத்தைச் சேர்ந்த அதிமுக நிர்வாகிகள் சிலர் மத்திய அமைச்சர் மு.க. அழகிரி முன்னிலையில் திமுகவில் ஐக்கியமானர்கள்.

தமிழகத்தில் தற்போது ஒரு கட்சியில் இருந்து மாற்று கட்சிக்கு நிர்வாகிள் படையெடுப்பு நடைபெற்று வருகின்றது. அந்த வகையில் அதிமுக கூடாரத்தில் இருந்து நாளொரு வண்ணமும், பொழுதொரு மேனியுமாக கட்சி நிர்வாகிகள் பலர் திமுகவில் இணைந்து வருகின்றனர்.

இந்த வரிசையில், கன்னியாகுமரி மாவட்ட அ.தி.மு.க பொருளாளர் கேட்சன், இலக்கிய அணி செயலாளர் ஆர்.எஸ்.பார்த்தசாரதி, முன்னாள் மாவட்ட செயலாளர்கள் சுயம்புலிங்கம், எம்.எம். பால்ராஜ், வக்கீல் பிரிவு தலைவர் அசோகன் மற்றும் நிர்வாகிகள் மத்திய அமைச்சர் மு.க.அழகிரியை சந்தித்து தி.மு.க -வில் இணைந்தனர்.