செல்போன் கூட இல்லாத மன்மோகன் பேஸ்புக்கில்!

டெல்லி: செல்போன் கூட வைத்துக் கொள்ளும் பழக்கம் இல்லாதவர் நமது பிரதமர். ஆனால் அவர் தற்போது பேஸ்புக்கில் இருக்கிறார். அவரது பக்கங்கள் தொடர்ந்து புதுப்பிக்கப்பட்டு வரும் வருகிறது.

இத்தகவலை அவரது முன்னாள் மீடியா ஆலோசகர் சஞ்சய் பாரு தெரிவித்துள்ளார்.

இதுகுறித்து அவர் கூறுகையில், பிரதமர் அடிக்கடி இன்டர்நெட் செல்லும் பழக்கம் உடையவர் அல்ல. ஆனாலும் அவரது பெயரில் ஒரு பேஸ்புக் உள்ளது. அது அடிக்கடி புதுப்பிக்கப்பட்டும் வருகிறது.

ஆனால் இதை யார் புதுப்பிப்பது என்பது குறித்து எனக்குத் தெரியாது என்றார்.

இதேபோல ட்வீட்டர் குறித்து மத்திய வெளியுறவு இணை அமைச்சர் சசி தரூரிடம் ஒருமுறை கேட்டு விளக்கம் பெற்றுக் கொண்டாராம் பிரதமர். இதை சசி தரூரே கூறியுள்ளார்.

ட்வீட்டரை பெருமளவில் பயன்படுத்தி வருபவர் சசி தரூர் என்பது குறிப்பிடத்தக்கது.