தமிழக அரசின் பன்றிக் காய்ச்சல் குறித்த தகவல் அடங்கிய பிரத்யேக வெப்சைட்

சென்னை: பன்றிக் காய்ச்சல் குறித்த விவரங்கள், தமிழகத்தில் பன்றிக் காய்ச்சல் பரவல் நிலவரம், அரசு எடுத்துள்ள நடவடிக்கைகள் குறித்த விவரங்கள் அடங்கிய பிரத்யேக இணையதளத்தை தமிழக அரசு தொடங்கியுள்ளது.

http://swineflutninfo.in/ என்ற பெயரிலான அந்த இணையதளத்தில் பன்றிக் காய்ச்சல் குறித்த அனைத்து விவரங்களும் இடம் பெற்றுள்ளன.

இதுதவிர பன்றிக் காய்ச்சல் தொடர்பான மாநில அரசின் கொள்கை, தற்போதைய பரவல் நிலவரம், மருத்துவர்களுக்கான குறிப்புகள், பொதுமக்களுக்கான அறிவுரைகள், கேள்வி பதில்கள் ஆகிய பிரிவுகள் இடம் பெற்றுள்ளன.

பன்றிக் காய்ச்சல் அறிகுறிகள் தெரிந்தால் என்ன செய்ய வேண்டும் என்பது குறித்தும் அழகாக விளக்கப்பட்டுள்ளது.

எங்கு சென்றால் பன்றிக் காய்ச்சல் குறித்த ரத்த பரிசோதனையை மேற்கொள்ளலாம் என்ற முக்கிய தகவலும் இதில் இடம் பெற்றுள்ளது.

தமிழக அரசின் ஹெல்ப்லைன் எண்ணும் (044- 24321569) தளத்தின் முதல் பக்கத்திலேயே இடம் பெற்றுள்ளது.

தமிழில் உள்ள இந்த இணையத்தளத்தை ஆங்கிலத்திலும் பார்க்கும்படி செய்துள்ளனர்.