'மிஸ்டர் பீன்' கிரெடிட் கார்டில் மோசடி - இலங்கை நபர் கைது

கொழும்பு: மிஸ்டர் பீன் கேரக்டரில் நடித்து புகழ் பெற்ற இங்கிலாந்து நடிகர் ரோவன் அட்கின்சனின் கிரடெடிட் கார்டை ஆன்லைன் மூலம் மோசடியாகப் பயன்படுத்தி பெரும் முறைகேடு நடத்திய இலங்கையைச் சேர்ந்த ஒருவர் கைதாகியுள்ளார்.

பல லட்சம் பணத்தை இவ்வாறு மோசடியாக அவர் சுருட்டியுள்ளது தெரிய வந்துள்ளது.

கொழும்பில் உள்ள ஒரு ஹோட்டலில் வைத்து இந்த நபரைப் பிடித்தனர் போலீஸார். அவரிடம் நடத்திய விசாரணையில் பலருடைய கிரெடிட் கார்டு எண்கள் இருந்தது தெரிய வந்தது. அவற்றில் ஒன்று அட்கின்சனின் எண்.

ஆன் லைன் மூலம் இந்த கிரெடிட் கார்டு எண்களை மோசடியாகப் பயன்படுத்தி பொருட்கள வாங்கிக் குவித்துள்ளார் இந்த நபர்.

இப்படி மோசடி மூலம் பல லட்சக்கணக்கான ரூபாய் அளவுக்கு இந்த நபர் பொருட்களை மோசடியாக வாங்கியுள்ளதாக போலீஸார் சந்தேகிக்கின்றனர்.