ஆச்சி மசால நிறுவனத்தில் வருமான வரி ரெய்ட்

சென்னை: ஆச்சி மசாலா நிறுவன அலுவலகத்தில் வருமான வரித்துறையினர் சோதனை நடத்தினர்.

சமையல் மசாலா மர்றும் உணவுப் பொருள் தயாரிப்பில் முன்னணியில் உள்ள நிறுவனங்களில் ஒன்று ஆச்சி மசாலா.

சென்னை அண்ணா நகரில் ஐ பிளாக்கில் உள்ளது இந்த நிறுவனத்தின் பிரமாண்ட தலைமை அலுலவகம். கிளை அலுவலகமும் இதே பகுதியில் 6 வது அவென்யூவில் உள்ளது.

நேற்று காலை 10 மணியளவில் இவ்விரு அலுவலகங்களுக்கும், வருமான வரித்துறையினர் வந்தனர். 20 பேர் அடங்கிய குழுவினர் இரு பிரிவாகச் சென்று, திடீரென அலுவலகங்களைப் பூட்டினர். வெளியாட்கள் அலுவலகத்திற்குள் நுழையாமல் இருக்க, திருமங்கலம் போலீசார் பாதுகாப்புப் பணியில் ஈடுபட்டனர்.

இந்தச் சோதனை நேற்று நள்ளிரவு வரை நீடித்துள்ளது.

அனைத்து கணக்குகளையும் ஆய்வு செய்துள்ளனர் அதிகாரிகள். ரெய்டில் என்ன சிக்கியது என்பது பற்றிய எந்தத் தகவலையும் வருமான வரித்துறையினர் வெளியிடவில்லை.