மகாராஷ்டிர: பாஜக-சிவசேனா தொகுதி உடன்பாடு

மும்பை: மகாராஷ்டிர சட்டசபைத் தேர்தலில் யார் எத்தனை தொகுதிகளில் போட்டியிடுவது என்பதை பாஜகவும், சிவசேனாவும் இறுதி செய்து விட்டன.

இதுதொடர்பாக இரு கட்சிகளுக்கும் இடையே தொகுதி உடன்பாடு ஏற்பட்டுள்ளது.

அதன்படி, பாஜக 119 தொகுதிகளிலும், சிவசேனா 169 தொகுதிகளிலும் போட்டியிடவுள்ளதாக மாநில பாஜக பொதுச் செயலாளர் கோபிநாத் முண்டே செய்தியாளர்களிடம் தெரிவித்தார்.

288 உறுப்பினர்களைக் கொண்ட மகாராஷ்டிர சட்டசபைக்கு அக்டோபர் 13ம் தேதி தேர்தல் நடைபெறுகிறது. இதற்கான வேட்பு மனு தாக்கல் தொடங்கியுள்ளது குறிப்பிடத்தக்கது.

முதலில் பாஜக மற்றும் சிவசேனா இடையே தொகுதி உடன்பாடு குறித்து பூசல் நிலவி வந்தது. தற்போது அது தீர்ந்து உடன்பாடு எட்டப்பட்டுள்ளது.