அஸ்ஸாமில் கடும் நிலநடுக்கம்- உயிர்ச் சேதம் ஏதுமில்லை

குவஹாத்தி: அஸ்ஸாமின் பல பகுதிகளி்ல இன்று பிற்பகல் கடும் நிலநடுக்கம் ஏற்பட்டது. இருப்பினும் உயிர்ச்சேதம் ஏதும் இல்லை என தகவல்கள் தெரிவிக்கின்றன.

அஸ்ஸாமின் பல பகுதிகளைத் தாக்கிய இந்த நிலநடுக்கம், வடகிழக்கு மாநிலங்கள் பலவற்றிலும் கூட உணரப்பட்டது.

இன்று பிற்பகல் 2.26 மணிக்கு நிலநடுக்கம் ஏற்பட்டது. ரிக்டர் அளவுகோலில் இது 6.3 ஆக இருந்தது. இதன் மையம் இந்திய - பூடான் எல்லைப் பகுதியில் இருந்தது.

நிலநடுக்கம் காரணமாக குவஹாத்தியில் பல வீடுகளில் விரிசல்கள் ஏற்பட்டன. இருப்பினும் உயிர்ச்சேதம் ஏதும் இல்லை.

அஸ்ஸாமில் ஆகஸ்ட் 13ம் தேதிக்குப் பின்னர் ஏற்பட்டுள்ள ஐந்தாவது பெரிய நிலநடுக்கம் இது என்பதால் மக்கள் பீதியடைந்துள்ளனர்.