விப்ரோ இயக்குநராக இணையும் ஜெர்மனியின் ஹென்னிங் கேகர்மேன்

பெங்களூர்: சாப்ட்வேர் ஜாம்பவான் விப்ரோ நிறுவனத்தின் இயக்குநர் குழுவில் ஜெர்மனியின் அகாடெக் நிறுவனத்தின் தலைவரான டாக்டர் ஹென்னிங் கேகர்மேன் இணைகிறார்.

இதுகுறித்து விப்ரோ தலைவர் ஆசிம் பிரம்ஜி கூருகையில், டாக்டர் கேகர்மேனை எங்களது இயக்குநர் குழுவில் இணைப்பதில் மகிழ்ச்சி அடைகிறோம். கல்வி, தொழில்நுட்பம் மற்றும் தலைமைத்துவம் ஆகிய மூன்றிலும் அனுபவம் பெற்றவர் கேகர்மேன்.

அவரது ஆழமான அறிவு மற்றும் அனுபவத்தால் விப்ரோ பெரும் பலன் அடையும் என்பதில் சந்தேகம் இல்லை என்றார் பிரேம்ஜி.

அகாடெக்கில் இணைவதற்கு முன்பு கேகர்மேன், சாப் ஏஜி நிறுவனத்தின் சிஇஓ ஆக இருந்தார். ஜெர்மனியின் மேன்ஹீம் பல்கலைக்கழகம் மற்றும் து பருன்ச்வெல் பல்கலைக்கழகத்தில் பேராசிரியராகவும் பணியாற்றியுள்ளார்.

தற்போது டாய்ச்ச பாங்க், மியூனிச் வங்கி, நோக்கியா கார்ப்பரேஷன் ஆகியவற்றிலும் உறுப்பினராக இருக்கிறார்.