• search
For Quick Alerts
ALLOW NOTIFICATIONS  
For Daily Alerts

விபச்சார பெண்களுக்கு ரேட்டிங்-யுகே எதிர்ப்பு

|

லண்டன் லண்டன் உள்ளிட்ட நகரங்களில் செக்ஸ் தொழிலில் ஈடுபடும் விபச்சாரப் பெண்களுக்கு ஆண்கள் ரேட்டிங் கொடுக்கும் இணையத் தளத்தை உடனடியாக மூட கலிபோர்னியா கவர்னரான அர்னால்ட் ஸ்வார்சனீகர் நடவடிக்கை எடுக்க வேண்டும் என கோரிக்கை எழுந்துள்ளது.

இதுகுறித்து இங்கிலாந்து மகளிர் மற்றும் சமத்துவ அமைச்சர் ஹெரியர் ஹர்மான் கூறுகையில், பன்டர்நெட் என்ற இணையதளம் விபச்சாரத்தை ஊக்குவிக்கும் வகையில் செயல்பட்டு வருகிறது. மேலும் பெண்களை இழிவாகவும், தரக் குறைவாகவும் பார்க்கும் வகையி்ல இதன் செயல்பாடுகள் உள்ளன.

இது மோசமான, குரூர புத்தி கொண்ட செயலாகும். பெண்களை மோசமானவர்களாக காட்ட முயலும் செயலாகும். விபச்சாரப் பெண்களுக்கு ஆண்கள் ரேட்டிங் கொடுக்கலாம் என்று இந்த இணையதளம் கூறுவது அறுவறுக்கத்தக்கது.

இந்த இணையதளத்தில் புரோக்கர்கள் தங்களிடம் உள்ள விபச்சாரப் பெண்களின் விவரங்களைக் குறிப்பிட்டு வாடிக்கையாளர்களின் கருத்துக்களை வரவேற்றுள்ளனர்.

லண்டனில் உள்ள விபச்சாரப் பெண்கள் குறித்த விவரமும் இதில் உள்ளது.

இதுகுறித்து அமெரிக்க தூதருடன் பேசியுள்ளேன். மேலும், இந்த இணையத்தளம் கலிபோர்னியாவிலிருந்து இயங்குவதால் அந்த மாநில ஆளுநர் அர்னால்ட் ஸ்வார்சனீகரும் உடனடியாக இந்த இணையதளத்தை மூட நடவடிக்கை எடுக்க வேண்டும்.

டெர்மினேட்டர் படத்தில் நடித்தவரான அர்னால்டுக்கு இந்த இணையத்தளத்தை டெர்மினேட் செய்வது கடினமாக இருக்காது என்றார் அவர்.

இங்கிலாந்தில் விபச்சாரம் சட்டவிரோதம் அல்ல. இருப்பினும் அதுதொடர்பான விளம்பரம், பிரசாரம், தொலைபேசி எண்களை பகிரங்கமாக அறிவிப்பது போன்றவை குற்றச் செயல்கள். அதாவது விபச்சாரம் நடக்கலாம், ஆனால் இங்கு விபச்சாரம் நடக்கிறது என்று சொல்லிக் கொள்ளக் கூடாது என்பது குறிப்பிடத்தக்கது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X