விண்வெளியில் கனடா சர்க்கஸ் அதிபர் சுற்றுலா!

பைகானூர்: கனடாவை சேர்ந்த சர்க்கஸ் நிறுவன அதிபர் கெய் லாலிபெர்டே, அமெரிக்க மற்றும் ரஷ்ய விண்வெளி வீரர்களுடன் நேற்று விண்வெளி சுற்றுலா பயணத்தை துவக்கினார்.

இவர்கள் மூவரும் கஜகஸ்தானின் பைகானூர் ஏவுதளத்தில் இருந்து சோயஸ் டிஎமஏ 16 ராக்கெட் மூலம் சர்வதேச விண்வெளி மையத்தை நோக்கி தங்களது பயணத்தை ஆரம்பித்தனர்.

கனடாவை சேர்ந்த கெய் லாலிபெர்டே அங்கு பெரிய சர்க்கஸ் நிறுவனத்தை நடத்தி வருகிறார். அவரை வழியனுப்ப அவரது உறவினர்கள் அனைவரும் விண்வெளி ஏவுதளத்துக்கு வந்திருந்தனர். ராக்கெட் கிளம்பியவுடன் அவர்கள் கெய், கெய் என உற்சாக கோஷமிட்டனர்.

இந்த விண்வெளி பயணத்தின் போது கெய், சர்க்கஸ் கோமாளிகள் பயன்படுத்தும் சிவப்பு குப்பியை மூக்கில் வைத்தவாரே அனைவருக்கும் டாடா காட்டி கிளம்பினார்.

தெருவில் வித்தை காட்டுபவராக வாழ்க்கை துவக்கிய கெய், சர்க்கஸ் நிறுவனத்தை துவக்கி 25 ஆண்டுகளுக்கு பின்னர் தற்போது இந்த 250 கோடி அமெரிக்க டாலர்களுக்கு சொந்தக்காரராக இருக்கிறார். 50 வயதான அவர் 12 நாட்கள் விண்வெளியில் சுற்றிவிட்டு பூமிக்கு திரும்ப இருக்கிறார்.

இந்த 12 நாள் பயணத்துக்காக அவர் 12 ஆண்டுகள் கடும் பயிற்சி எடுத்து கொண்டதாக வழியனுப்ப வந்த அவரது மனைவி அன்யா தெரிவி்த்துள்ளார்.