கலிபோர்னியாவில் அடுத்தடுத்து 4 நிலநடுக்கங்கள்

லாஸ் ஏஞ்சல்ஸ்: அமெரிக்காவின் கலிபோர்னியா மாகாணத்தின் கிழக்கு பகுதியில் இன்று அதிகாலை அடுத்தடுத்து 4 நிலநடுக்கங்கள் ஏற்பட்டது. இவை அனைத்தும் சிறய அளவில் இருந்ததால் பாதிப்பு எதுவும் ஏற்படவில்லை.

அமெரிக்காவின் கலிபோர்னியா மாகாணத்தில் ஒவ்வொரு ஆண்டும் சிறியதும், பெரியதுமாக சுமார் 10 ஆயிரம் நிலநடுக்கங்கள் ஏற்படுகிறதாம். சில சமயங்களில் ஒரு வார காலத்தில் சில இடங்களில் தொடர்ந்து 100 சிறிய அளவிலான நிலநடுக்கம் ஏற்படுவதும் உண்டாம்.

கீளர் நகருக்கு அருகே கடந்த 2ம் தேதி 4.7, 4.9 மற்றும் 5.2 ரிக்டர் அளவிலான நிலநடுக்கங்கள் சில நிமிட இடைவேளையில் அடுத்தடுத்து ஏற்பட்டு அமெரிக்கர்களை அதிர்ச்சியில் ஆழ்த்தியது.

இந்நிலையில் இன்று கிழக்கு சியாரா பகுதியில் அதிகாலை சுமார் 5,20 மணிக்கு 4.5 ரிக்டர் அளவிலான நிலநடுக்கம் ஏற்பட்டது. இதை தொடர்ந்து 3.0 ரிக்டர் அளவில் தொடர்ந்து மூன்று நிலநடுக்கம் ஏற்பட்டது.

இந்த நகரம் லாஸ் ஏஞ்சல்ஸில் இருந்து சுமார் 320 கிமீ தூரத்தில் தான் இருக்கிறது.