ஷுகரா? செக்ஸ் கசக்கும்!

சென்னை: ரத்தத்தில் சர்க்கரையின் அளவு அதிகமாக இருந்தால் (சர்க்கரை வியாதி) செக்ஸில் பிரச்சினை ஏற்படும் என ஆய்வு ஒன்று தெரிவித்துள்ளது.

சென்னையில், சர்க்கரை வியாதியுடன் உள்ளவர்களில் 44 சதவீதம் பேர் செக்ஸ் பிரச்சினையால் பாதிக்கப்பட்டுள்ளதாகவும் அந்த ஆய்வின் முடிவு தெரிவிக்கிறது. இவர்களுக்கு உறுப்பு எழுச்சி இல்லாமை (erectile dysfunction) பிரச்சினை ஏற்படுகிறதாம்

உறுப்பு எழுச்சி இல்லாமை காரணமாக ஆண்களால், திருப்கிரமான முறையில் செக்ஸ் உறவில் ஈடுபட முடிவதில்லை. மேலும், சிலருக்கு விந்து வேகமாக வெளியாவதும் ஏற்படுகிறது. இதனால் நீண்ட நேரம் உடலுறவில் ஈடுபட முடியாத நிலையும் ஏற்படுகிறது.

சென்னையைச் சேர்ந்த எம்.வி. நீரிழி்வு மருத்துவமனை இந்த ஆய்வை மேற்கொண்டுள்ளது. கடந்த ஆண்டு நடந்த இந்த ஆய்வில் சர்க்கரை வியாதியால் பாதிக்கப்பட்ட 423 பேரிடம் ஆய்வு நடத்தப்பட்டது.

இவர்களில் 188 பேருக்கு ஈடி என்று சொல்லப்படுகிற உறுப்பு எழுச்சியின்மை பிரச்சினை காணப்பட்டது. 49 சதவீதம் பேருக்கு இது லேசாகவும், 33 சதவீதம் பேருக்கு மிதமாகவும், 18 சதவீதம் பேருக்கு தீவிரமாகவும் இது காணப்பட்டது.

மேலும், சர்க்கரை வியாதியுடன் கூடிய நோயாளிகளில் 37.8 சதவீதம் பேருக்கு முன்கூட்டியே வி்ந்து வெளியாகும் பிரச்சினை இருந்தது.

ஆய்வை மேற்கொண்ட குழுவின் தலைவரான டாக்டர் விஜய் விஸ்வநாதன் கூறுகையில், ரத்த விநியோகம் சரிவர இல்லாததே இந்த உறுப்பு எழுச்சியின்மைக்கு முக்கியக் காரணம் என்பதையும் கண்டுபிடித்துள்ளோம் என்றார்.