யுஎஸ் ரத்தம் சிந்தும்-அல் கொய்தா மீண்டும் மிரட்டல்

மேரிலாண்ட்: அமெரிக்காவின் மீது தொடர்ந்து தாக்குதல் நடத்தப்படும். அவர்கள் ரத்த சிந்துவார்கள் என அல் கொய்தா தளபதி அல் ஜவாஹிரி வீடியோ மூலம் மிரட்டல் விடுத்துள்ளார்.

அதில் அல் ஜவாஹிரி என்ற அல் கொய்த தளபதி தீவிரவாத பயிற்சி முகாம் ஒன்றில் இறந்தவரின் உடல் ஒன்றுக்கு அஞ்சலி செலுத்தி பேசுகிறார்.

அவர் கூறுகையில்,

சிரிக்கும் ஒபாமா மனித உரிமைகளையும் மதிப்பதாகவும், கொடூர செயல்களை கண்டிப்பதாகவும் கூறி வருகிறார். ஆனால், அவர் பல இடங்களுக்கு அமெரிக்க ராணுவம் எனப்படும் படுகொலை பிரிவினரை அனுப்பி வைத்துள்ளார்.

அவர்கள் மூலம் தீவிரவாதிகள் என்று சந்தேகப்படும் அனைவரும் கொன்று குவித்து வருகிறார்.

ரத்தம் குடிக்கும் பேய்கள்...

மேற்கத்தியவர்கள் ரத்தம் குடிக்கும் பேய்கள். அவர்களது ரத்தத்தை நாங்கள் சிந்த வைப்போம். தங்களது தவறான செயல்களை நிறுத்தும் வரை அவர்களது பொருளாதாரத்தை ஆட்டம் காண செய்வோம் என்று கூறியுள்ளார்.