இல.கணேசனுக்கு அறுவை சிகிச்சை முடிந்தது

சென்னை: தமிழக பாஜக தலைவர் இல.கணேசனுக்கு இன்று இருதய பைபாஸ் அறுவை சிகிச்சை நடந்தது.

நெஞ்சுவலி காரணமாக சில நாட்களுக்கு முன் சென்னை அப்பல்லோ மருத்துவமனையில் அவர் அனுமதிக்கப்பட்டார்.

பரிசோதனையில் அவருக்கு இதய ரத்தக் குழாய்களில் அடைப்பு ஏற்பட்டது தெரியவந்தது. இதையடுத்து பை பாஸ் அறுவை சிகிச்சை செய்ய முடிவு செய்யப்பட்டது.

ஆனால், அவருக்கு சர்க்கரை நோய் இருந்ததால் அதைக் கட்டுப்படுத்த கடந்த 5 நாட்களாக தீவிர சிகிச்சை பிரிவில் அவருக்கு சிகிச்சை அளிக்கப்பட்டு வந்தது.

இன்று காலை திட்டமிட்டபடி அவருக்கு பை பாஸ் அறுவை சிகிச்சை வெற்றிகரமாக நடந்து முடிந்தது.