ராமர் கோவில் கட்ட 99% காங். ஆதரவு-விஎச்பி

பாட்னா: அயோத்தியில் ராமர் கோவில் கட்ட 99 சதவீத காங்கிரஸார்கள் ஆதரவு தெரிவித்துள்ளனர். என்ன விலை கொடுத்தாலும் ராமர் கோவிலை கட்டி தீருவோம் என விஸ்வ இந்து பரிஷத் அமைப்பின் அகில உலக செயலாளர் அசோக் சிங்கால் தெரிவித்துள்ளார்.

இது குறித்து பிகார் மாநிலம் ராஜ்கிரில் நடந்த ஆர்எஸ்எஸ் கூட்டத்தில் பங்கேற்ற பின், அவர் நிருபர்களுக்கு அளித்த பேட்டியில்,

காங்கிரஸ் தலைவர்கள் ராமர் கோவில் கட்டுவதற்கு அமைதியான முறையில் ஆதரவு தருகிறார்கள். 99 சதவீத காங்கிரஸ் கட்சிக்காரர்கள் இதை ஆதரிக்கின்றனர்.

இதை அவர்களால் வெளிப்படையாக சொல்ல முடியவில்லை. இதற்கு வெளிநாட்டில் பிறந்த காரணத்தால் இந்த விவகாரத்தில் எந்த கருத்தும் சொல்லாமல் சோனியா அமைதியாக இருப்பதே காரணம்.

காங்கிரஸ் தலைவரும், முன்னாள் பிரதமருமான நரசிம்ம ராவ் கூட அயோத்தியில் ராமர் கோவில் கட்டுவதை வரவேற்றார்.

முன்னாள் ரயில்வே அமைச்சர் லாலு பிரசாத் யாதவ் என்ற அரசியல்வாதி இதை எதிர்க்கிறார். ஆனால், மதத்தை விரும்பும் லாலு இந்த விஷயத்தில் எதிர்ப்பு காட்டுவதில்லை.

அயோத்தியில் ராமர் கோவில் கட்டப்பட வேண்டும் என்பது இந்து மக்களுக்கு முன் வைக்கப்பட்ட ஒரு சவால். என்ன விலை கொடுத்தாலும் ராமர் கோவிலை கட்டி தீருவோம் என்றார்.