இது விண்டோஸ்-7 வாரம்!
2001ல் விண்டோஸ் எக்ஸ்பி இயங்கு மென்பொருளை வெளியிட்டது மைக்ரோசாப்ட். மிகுந்த வரவேற்பைப் பெற்ற இந்த மென்பொருளைத் தொடர்ந்து விஸ்டாவை வெளியிட்டுப் பார்த்தது. ஆரம்பத்தில் பெரிதாகப் பேசப்பட்டாலும், விஸ்டாவில் நிறைய குறைபாடுகளைப் பட்டியலிடத் துவங்கினார்கள் வாடிக்கையாளர்கள்.
இந்த நேரம் பார்த்து கூகுள் நிறுவனம் குரோம் இயங்கு மென்பொருளை இலவசமாகவே தரவிறக்கம் செய்து கொள்ளலாம் என அறிவிக்க, சுதாரித்துக் கொண்ட மைக்ரோசாப்ட், தனது அடுத்த பதிப்பான விண்டோஸ் 7யை உருவாக்கி, குறிப்பிட்ட காலத்துக்கு சோதனை அடிப்படையில் இலவசமாகவே கொடுத்து வந்தது.
இப்போது விண்டோஸ் 7ல் இருந்த சின்னச் சின்ன ஆரம்ப குறைபாடுகள் நீக்கப்பட்டு, முற்றிலும் புதிய, வேகமான இயக்கத்துக்கு வழிவகுக்கும் மென்பொருளை வெளியிடுகிறது மைக்ரோசாப்ட் நிறுவனம்.
வியாழக்கிழமை நடைபெறும் பத்திரிகையாளர் சந்திப்பில் இந்த விண்டோஸ்-7யை வெளியிடுகிறார் மைக்ரோசாப்ட் சிஇஓ ஸ்டீவ் பால்மர்.
மேலும் மொபைல் சாப்ட்வேர் துறையில் ஆப்பிள் நிறுவனத்தின் கடும் போட்டியைச் சமாளிக்க புதிய ஷோரூம்களைத் திறக்கும் முயற்சியிலும் தீவிரமாக இறங்கியுள்ளது மைக்ரோசாப்ட்.
Click it and Unblock the Notifications
Sign in with Google