15ம் தேதி முதல் சேலம்- சென்னை விமான சேவை தொடக்கம்

சேலம்: சேலம் - சென்னை இடையிலான புதிய வி்மான சேவை வருகிற 15ம் தேதி முதல் தொடங்குகிறது.

சேலம் விமான நிலையத்தில் இதுவரை விமான சேவை இல்லாமல் இருந்து வந்தது. இந்த நிலையில் கிங்பிஷர் நிறுவனம் சேலம் - சென்னை இடையிலான விமான சேவையை தொடங்குகிறது.

வருகிற 15ம் தேதி முதல் இந்த விமான சேவை தொடங்குகிறது. இதற்கான இணையதள முன்பதிவு தொடங்கியுள்ளது.

சேலம் - சென்னை இடையிலான விமானக் கட்டணமாக ரூ. 2,877 நிர்ணயிக்கப்பட்டுள்ளது. இருப்பினும் இந்தக் கட்டணத்தை குறைத்தால் கூடுதல் பயணிகளைக் கவர முடியும் என சேலம் மாவட்ட சிறு மற்றும் குறு தொழில்கள் சங்கம் கோரிக்கை விடுத்துள்ளது.