ரூ. 1360 கோடி வெளிநாட்டு நேரடி முதலீட்டுத் திட்டங்களுக்கு அரசு அனுமதி

டெல்லி: ரூ. 1,360.52 கோடி மதிப்பிலான 26 நேரடி வெளிநாட்டு முதலீடுளுக்கு மத்திய அரசு ஒப்புதல் அளித்துள்ளது.

இருப்பினும் ஜெட் ஏர்வேஸ் உள்ளிட்ட 14 நிறுவனங்களின் திட்டங்கள் மீதான முடிவு ஒத்திவைக்கப்பட்டது. நான்கு திட்டங்கள் நிராகரிக்கப்பட்டன. இதில் பைசெல் டெலி கம்யூனிகேஷன் நிறுவனமும் ஒன்று.

சுகாதாரத் துறை மற்றும் மின்சாரப் பிரிவில்தான் பெருமளவிலான திட்டங்களுக்கு ஒப்புதல் அளிக்கப்பட்டுள்ளது.

டெல்லியைச் சேர்ந்த கேப்ரிகான் ஹாஸ்பிடாலிட்டி சர்வீஸஸ் நிறுவனம் ரூ. 576 கோடி வெளிநாட்டு முதலீட்டின் கீழ் தனது திட்டத்தை செயல்படுத்தவுள்ளது.