விண்டோஸ் - 7 விலை ரூ.11,799!

டெல்லி: மைக்ரோசாப்ட் நிறுவனம் புதிதாக அறிமுகப்படுத்தியுள்ள அதிவேக இயங்கு மென்பொருள் விண்டோஸ்-7 அல்டிமேட் பேக் விலை இந்தியாவில் ரூ.11,799 ஆக நிர்ணயிக்கப்பட்டுள்ளது.

நேற்று வியாழக்கிழமை உலகம் முழுவதும் விண்டோஸ் -7 மென்பொருள் அறிமுகப்படுத்தப்பட்டது.

இந்தியாவில் தலைநகர் டெல்லியில் இந்த மென்பொருள் அறிமுக நிகழ்ச்சி பள்ளிக் குழந்தைகள் மற்றும் நிர்வாகிகள் முன்னிலையில் நடந்தது.

இந்தியாவில் விண்டோல்-7 விலை:

விண்டோஸ் -7 ஹோம் பேஸிக் - ரூ.5,899
விண்டோஸ் -7 ஹோம் ப்ரீமியம் - ரூ.6799
விண்டோஸ் -7 புரொபஷனல் - ரூ. 11,199
விண்டோஸ் -7 அல்டிமேட் - 11,799

இந்தியாவில் அறிமுகமாவதற்கு முன்பே விண்டோஸ் 7-க்கு ஆர்டர்கள் குவிந்து விட்டதாகத் தெரிவித்த மைக்ரோசாப்ட் நிறுவன அதிகாரி ஸ்டீவ் பால்மர், விஸ்டா மூலம் ஏற்பட்ட சரிவை விண்டோஸ் 7 இருமடங்கு சரி செய்துவிடும் என நம்புவதாகக் கூறினார்.

விண்டோஸ் 98 மற்றும் விஸ்டா உபயோகிப்பவர்களுக்கு மட்டும் 40 சதவிகித சலுகை விலையில் விண்டோஸ் 7 விற்கப்படும் என்றும் மைக்ரோசாப்ட் அறிவித்துள்ளது.