தீபாவளி வாரம்... 56 டன் தங்க விற்பனை!

மும்பை: தீபாவளியையொட்டி தங்கத்தின் விற்பனை உச்சத்தைத் தொட்டுள்ளது. ஒரு வாரத்தில் மட்டும் 56 டன் தங்கத்தை வாங்கிக் குவித்துள்ளனர் மக்கள்.

தங்கத்தின் விலை நாளுக்கு நாள் உயர்ந்து கிராம் ரூ.1500-ஐத் தொட்டாலும், தங்கத்துக்கான தேவை குறைந்தபாடில்லை.

கடந்த வாரம் முடிந்த தீபாவளி பண்டிகை காலத்தில், அதாவது அக்டோபர் 12 முதல் 19-ந் தேதிவரையிலான காலகட்டத்தில் இந்தியா முழுவதும் 56 டன் தங்கம் விற்பனை ஆகி உள்ளதாக உலக தங்க கவுன்சில் தெரிவித்துள்ளது.

இது கடந்த ஆண்டு விற்பனையான தங்கத்தைவிட 5.7 சதவீதம் அதிகம் ஆகும்.

தற்போதைய சூழ்நிலையில், தங்கமே பாதுகாப்பான முதலீடு என்று கருதி மக்கள் தங்கம் வாங்குவதில் கவனம் செலுத்துவதாக உலக தங்க கவுன்சில் கருத்து வெளியிட்டுள்ளது.