தங்க நாணய விற்பனையில் நெல்லை அஞ்சலகம் முதலிடம்

நெல்லை தீபாவளி தங்க நாணய விற்பனையில் நெல்லை அஞ்சலகம் முதலிடம் பிடித்துள்ளது.

தலைமை தபால் அலுவலகஙகளில் அரை கிராம், 1 கிராம், 2 கிராம், 5 கிராம், 8 கிராம் தங்க நாணயங்கள் விற்பனை செய்யப்படுகிறது.

தீபாவளியை ஓட்டி செப்டம்பர் 24ம் தேதி முதல் அக் 24ம் தேதி வரை தபால் அலுவலங்களில் தங்க நாணயங்கள் வாங்குபவர்களுக்கு 10 கிராம் வாங்கினால் அரை கிராம் இலவசம் அல்லது 6 சதவீதம் தள்ளுபடி என்று சலுகை வழங்கப்பட்டது

தீபாவளி விற்பனையில் நெல்லை ஸ்ரீபுரம் தலைமை தபால் அலுவலகத்தில் 5972 கிராம் விற்பனையானது.

அகில இந்திய அளவில் தலைமை தபால் அலுவலகங்களில் தங்க நாணய விற்பனையை கணக்கிட்டால் நெல்லை ஸ்ரீபுரம் தலைமை தபால் அலுவலகம் முதலிடத்தையும், திருச்சி தலைமை தபால் அலுவலகம் 3,335.5 கிராம் விற்று இரண்டாம் இடத்தையும், பாளையங்கோட்டை தலைமை தபால் அலுவலகம் 3,218.5 கிராம் விற்று 3வது இடத்தையும் நாகர்கோவில் தலைமை தபால் அலுவலகம் 3,037 கிராம் விற்று 4வது இடத்தையும் பிடித்துள்ளன.