செம்மொழி மாநாட்டுடன் தமிழ் இணைய மாநாடு!

சென்னை: கோவையில் அடுத்தாண்டு நடைபெறவுள்ள உலகத் தமிழ் செம்மொழி மாநாட்டுடன் தமிழ் இணைய மாநாட்டையும் நடத்த முதல்வர் கருணாநிதி உத்தரவிட்டுள்ளார்.

பல்வேறு தமிழ் இணைய ஆர்வலர்கள், தமிழ் இணைய வல்லுநர்களின் கோரிக்கையை ஏற்று இந்த அறிவுறுத்தலை அவர் வழங்கியுள்ளார்.

இதுகுறித்து தமிழக அரசு வெளியிட்ட செய்திக்குறிப்பில், கோவையில் நடைபெறும் உலகத் தமிழ் செம்மொழி மாநாட்டுடன் சேர்த்து தமிழ் இணைய மாநாட்டையும் நடத்த முதல்வர் கருணாநிதி அறிவுறுத்தியுள்ளார்.

உலகத் தமிழ் தகவல் தொழில்நுட்ப மன்றத்துடன் இணைந்து இந்த மாநாடு நடத்தப்படும்.

இந்த மாநாட்டில் தகவல் தொழில்நுட்ப வல்லுநர்கள், தமிழ் தகவல் தொழில்நுட்ப அறிஞர்கள் உள்ளிட்டோர் கலந்து கொள்வர் என்று தெரிவிக்கப்பட்டுள்ளது.