யுஎஸ் நிறுவனத்தை ரூ.176 கோடிக்கு வாங்கிய இன்போஸிஸ் பிபிஓ!

பெங்களூர்: அமெரிக்காவின் மெக்காமிஷ் சிஸ்டம்ஸ் நிறுவனத்தை வாங்குகிறது இன்போஸிஸ் நிறுவனத்தின் துணை நிறுவனமான இன்போஸிஸ் பிபிஓ.

38 மில்லியன் டாலர் (ரூ 176.6) கோடி செலவில் இந்த டீலை முடித்துள்ளது இன்போஸிஸ். இதுதவிர, மெக்காமிஷ் நிறுவனத்தின் நிதி ஆதாரங்கள் மற்றும் எதிர்கால விற்பனைத் திறன் அடிப்படையில் மேலும் 20 மில்லியன் டாலர் வழங்கப்படும் என்று தெரிவிக்கப்பட்டுள்ளது.

இதுகுறித்த தகவலை மும்பை பங்குச் சந்தைக்கு முறையாக தெரிவித்துள்ளது இன்போஸிஸ்.

இந்த ஆண்டின் முடிவுக்குள் இந்த டீல் முழுமையடையும் என்று இன்போஸிஸ் பிபிஓவின் சிஇஓ அமிதாப் சவுத்ரி தெரிவித்துள்ளார்.

இந்த இணைப்பு மூலம் இன்போஸிஸ் திறன் கூடுவதுடன், சந்தையில் அதன் பங்களிப்பின் அளவும் உயரும் என எதிர்ப்பார்க்கப்படுகிறது.

இந்த செய்தியைத் தொடர்ந்து இன்போஸிஸ் பங்குகள் இன்று மும்பை பங்குச் சந்தையில் 1.18 சதவிகிதம் உயர்ந்து விற்பனையாகின.