வெள்ள சேதம்: ஊட்டி-கோத்தகிரி சாலை திறப்பு

உதகை: கனமழையால் பழுதான ஊட்டி-கோத்தகிரி சாலை 15 நாட்களுக்குப் பி்ன் போக்குவரத்துக்கு திறந்து விடப்பட்டுள்ளது.

பலத்த மழையால், நிலச்சரிவு ஏற்பட்டு பழுதடைந்த பாதைகளில் தற்காலிக சாலை அமைக்கப்பட்டு, இலகு ரக வாகனப் போக்குவரத்து மட்டும் தற்போது அனுமதிக்கப்படுகிறது.

பஸ் போக்குவரத்து அடுத்த இரு தினங்களில் அனுமதிக்கப்படும் எனக் கூறிய அதிகாரிகள், இப்போதைக்கு லாரிகளை அனுமதிக்க மாட்டோம் என்றனர்.

இதற்கிடையே, கல்லாரில் இருந்து ஊட்டி வரையிலான 38 கி.மீ தூரத்திற்கு முற்றிலும் பழுதடைந்த ரயில் பாதையை சீரமைக்க குறைந்தது ரூ.12 கோடியாவது தேவைப்படும் என தெற்கு ரயில்வே அதிகாரிகள் தெரிவித்துள்ளனர்.