டோங்கா-கலிஃபோர்னியாவில் நிலநடுக்கம்

நுகுஅலோஃபா: தெற்கு பசிபிக் தீவான டோங்காவில் நேற்று சக்திவாய்ந்த நிலநடுக்கம் ஏற்பட்டது. ரிக்டர் அளவில் 6.8ஆக பதிவான இந்த நிலநடுக்கத்தால் சுனாமி பாதிப்பு எதுவும் ஏற்படவில்லை.

டோங்கா தலைநகரான நுகுஅலோஃபாவில் இருந்து 195 கி.மீ தூரத்தை மையமாகக் கொண்டு இந்த நிலநடுக்கம் ஏற்பட்டதாக அமெரிக்க புவியியல் ஆய்வு மையம் தகவல் வெளியி்ட்டுள்ளது.

கடந்த 100 ஆண்டுகளில் கடுமையான நிலநடுக்கம் ஏற்பட்டு சுனாமி பேரலைகளால் பாதிக்கப்பட்ட தென் பசிபிக் நாடுகளில் டோங்காவும் ஒன்று என்பது குறிப்பிடத்தக்கது.

கலிஃபோர்னியாவிலும்...:

கலிஃபோர்னியாவிலும் நேற்று இரண்டு வெவ்வேறு இடங்களில் நிலநடுக்கம் ஏற்பட்டது. சேதாரம் எதுவும் ஏற்பட்டதாக தகவல் இல்லை.

மேற்கு சான்டீகோவில் சான்க்ளிமென்டி தீவில் இருந்து தென்கிழக்கே 23 மைல் தூரத்தை மையமாகக் கொண்டு கடலுக்கடியே ஏற்பட்ட இந்த நிலநடுக்கம், ரிக்டர் அளவில் 3.9ஆக பதிவாகியிருந்தது.

உள்ளூர் நேரப்படி காலை 6.34 மணிக்கு இந்த நிலநடுக்கம் பதிவானதாக அமெரிக்க புவியியல் ஆய்வு மையம் தெரிவித்துள்ளது.

முன்னதாக, அதிகாலை 3.59க்கு 3.7 ரிக்டர் அளவிலான நிலநடுக்கம், சாக்ரமென்டோ அருகே ஏற்பட்டுள்ளது. கெய்ஸருக்கு இரண்டு மைல்களுக்கு அப்பால் உள்ள கோப் என்ற இடத்தினருகே மையப் புள்ளியாகக் கொண்டு இந்த நிலநடுக்கம் ஏற்பட்டதாக அமெரிக்க புவியியல் ஆய்வு மையம் தெரிவித்தது.