இடைத்தேர்தல்- கருணாநிதியுடன் திருமா சந்திப்பு

சென்னை: திருச்செந்தூர், வந்தவாசி இடைத்தேர்தல்களில் தி.மு.க வேட்பாளரின் வெற்றிக்கு விடுதலைச் சிறுத்தைகள் பாடுபடும் என்று அக்கட்சித் தலைவர் திருமாவளவன் கூறினார்.

தமிழக முதல்வரும், தி.மு.க தலைவருமான கருணாநிதியை விடுதலைச் சிறுத்தைகள் கட்சித் தலைவர் திருமாவளவன் சந்தித்து பேசினார். கருணாநிதியை அவரது கோபாலபுரம் இல்லத்தில் சந்தித்து பேசிய பின்னர் நிருபர்களிடம் திருமாவளவன் கூறுகையி்ல்,

'திருச்செந்தூர், வந்தவாசி இடைத்தேர்தல்களில் தி.மு.க வேட்பாளரின் வெற்றிக்கு விடுதலைச் சிறுத்தைகள் பாடுபடுவோம்.

புதிதாக அறிமுகப்படுத்த திட்டமிடப்பட்டுள்ள மீன்பிடி தொழில் ஒழுங்கமுறை சட்டத்தை கைவிட மத்திய அரசை வலியுறுத்த வேண்டும் என முதல்வரைக் கேட்டுக்கொண்டேன்' என்றார்.

திருமாவளவனுடன் எம்.எல். ஏ ரவிக்குமார், மீனவர் சங்கத் தலைவர் அன்பழகன் உள்ளிட்டோர் வந்திருந்தனர்.