• search
For Quick Alerts
ALLOW NOTIFICATIONS  
For Daily Alerts

தஞ்சையில் பலத்த மழை- பள்ளி, கல்லூரிகளுக்கு விடுமுறை

By Staff
|

Satellite image of Tamil Nadu
சென்னை: தஞ்சை மாவட்டத்தில் பலத்த மழை காரணமாக நாளை (வியாழன் கிழமை) பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது.

தமி​ழ​கத்​தின் கட​லோர மாவட்​டங்​க​ளில் இன்று பரவலாக மழை பெய்தது. காரைக்காலில் அதிகபட்சமாக 12 செமீ மழை பெய்துள்ளது. திருவாரூர், சீர்காழியில் தலா 7 செமீ மழை பதிவானது. சென்​னை​யில் ஒரு சில இடங்​க​ளில் மழை பெய்தது.

வங்​க​கட​லில் கடந்த ஞாயிற்​றுக்​கி​ழமை புதி​தாக ஒரு குறைந்த காற்​ற​ழுத்​தத் தாழ்​வுப் பகுதி உரு​வா​னது. இது தென்​மேற்கு திசை​யில் நகர்ந்து செவ்​வாய்க்​கி​ழமை நில​வ​ரப்​படி கும​ரிக்​க​டல் முதல் இலங்கை வரை பர​வி​யுள்​ளது.

இதன் கார​ண​மாக நாகப்​பட்​டி​னம்,​ தரங்​கம்​பாடி,​ நன்​னி​லம்,​ திரு​வா​ரூர்,​ திருத்​து​றை​பூண்டி,​ ஒரத்​த​நாடு,​ திரு​வி​டை​ம​ரு​தூர் உள்​ளிட்ட இடங்​க​ளில் தொடர்ந்து மழை பெய்து வரு​கி​றது. தஞ்சை மாவட்டத்தில் பலத்த மழை காரணமாக ஆறுகள் நிரம்பி வழிகின்றன.

கிராமப்பகுதிகளில் மழையால் போக்குவரத்து பாதிக்கப்பட்டுள்ளது. இதனால், தஞ்சை மாவட்டத்தில் நாளை பள்ளி மற்றும் கல்லூரிகள் திறக்கப்படாது என மாவட்ட கலெக்டர் சண்முகம் அறிவித்துள்ளார்.

இதே காற்றழுத்த தாழ்வு நிலை தொடர்ந்து நீடித்தால், தமி​ழ​கத்​தின் கட​லோர மாவட்​டங்​க​ளில் மேலும் மழை பெய்ய வாய்ப்​புள்​ள​தாக வானிலை ஆய்வு மையத் தகவல் தெரிவித்துள்ளது.

இன்றைய மழை அளவு..

காரைக்காலில் அதிகபட்சமாக 12 செமீ மழை பெய்துள்ளது. திருவாரூர், சீர்காழியில் தலா 7 செமீ மழை பதிவானது.

கடலூர், ராமேஸ்வரம் தலா 6, நன்னிலம், நாகை தலா 5, பாம்பன், சாத்தானகுளம் தலா 4, அண்ணா பல்கலைக்கழகம், டிஜிபி அலுவலகம், பூந்தமல்லி, திருவிடைமருதூர், திருவையாறு, வல்லம், மயிலாடுதுறை, ஆர்.எஸ்.மங்கலம், ராமநாதபுரம், திருச்செந்தூர் தலா 3 செமீ மழை பதிவானது.

ஸ்ரீபெரும்புதூர், சோழவரம், சிதம்பரம், காட்டுமன்னார் கோவில், பரங்கிப்பேட்டை, கும்பகோணம், குடவாசல், நீடாமங்கலம், திருத்துறைப்பூண்டி, வலங்கைமான், கொல்லிடம், தரங்கம்பாடி, முதுகுளத்தூர், தொண்டி, ஜெயங்கொண்டம் தலா 2 செமீ மழை பதிவானது.

சென்னை விமான நிலையம், காஞ்சிபுரம், செம்பரம்பாக்கம், சேத்தியாதோப்பு, ஓரத்தநாடு, பாபநாசம், மன்னார்குடி, முத்துப்பேட்டை, வேதாரன்யம், திருவாடானை, தூத்துக்குடி, குழித்துரை, தக்கலை, செய்யாறு, சேந்தமங்கலம், ஏற்காடு, அரியலூர், இளையாங்குடி தலா 1 செமீ மழை பெய்துள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more