2000 பேரை பணியமர்த்தும் ஹூவேய்!

பெங்களூர்: 2000 பணியாளர்களை புதிதாக வேலைக்கு அமர்த்துகிறது ஹூவேய் டெக்னாலஜிஸ் நிறுவனம்.

சீனாவைச் சேர்ந்த மொபைல் தயாரிப்பு நிறுவனமான ஹூவேய், அடுத்த இரண்டாண்டுகளுக்குள் இந்தப் பணியாளர் தேர்வை முடித்துவிடுவதாக அறிவித்துள்ளது.

இந்நிறுவனத்தின் துணைத் தலைவர் வெய்மின் யோ இதுகுறித்து கூறுகையில், "இந்தியாவில் வலுவாகக் காலூன்ற வேண்டும் என்பதுதான் எங்கள் நிறுவனத்தின் குறிக்கோள். எனவே இங்குள்ள யாராவது ஒரு பெரிய நிறுவனத்துடன் கூட்டாகவோ, அல்லது வேறு நிறுவனத்தை வாங்கியோ கால் பதிக்கப் போகிறோம்.

ஜிஎஸ்எம், வைமேக்ஸ், சிடிஎம்ஏ, ஜிபிஆர்எஸ் தொழில் நுட்பத்துடன் புதிய புதிய மொபைல்களைத் தயாரிக்கிறோம். உலகின் டாப் 40 நிறுவனங்களுக்கு எங்கள் மொபைல்கள் சப்ளை ஆகின்றன" என்றார்.