பிரெஞ்சுப் பெண்ணைக் கற்பழிக்க முயற்சி: இன்போசிஸ் ஊழியர் கைது-தமிழகத்தை சேர்ந்தவர்

மைசூர்: பிரெஞ்சுப் பெண்ணைக் கற்பழிக்க முயன்றதாக தமிழகத்தைச் சேர்ந்த இன்போசிஸ் ஊழியர் மைசூரில் கைது செய்யப்பட்டார்.

அவரது பெயர் கிருஷ்ணமூர்த்தி. மைசூரில் உள்ள இன்போசிஸ் நிறுவனத்தில் பணியாற்றி வருகிறார், திருமணமானவர்.

விஜய நகர் என்ற இடத்தில் வசித்து வரும் கிருஷ்ணமூர்த்தி அதே பகுதியில் கணவருடன் வசித்து வரும் பிரெஞ்சுப் பெண்ணின் வீட்டுக்குள் அத்துமீறி நுழைந்து கற்பழிக்க முயன்றதாக தெரிகிறது.

பிரெஞ்சுப் பெண் அபயக் குரல் எழுப்பியதைத் தொடர்ந்து அக்கம் பக்கத்தினர் கூடி விட்டனர். அவர்கள் அப்பெண்ணை மீட்டனர். கிருஷ்ணமூர்த்தியை போலீஸில் ஒப்படைத்தனர்.

போலீஸார் கிருஷ்ணமூர்த்தி மீது கற்பழிப்பு முயற்சி வழக்கு தொடர்ந்துள்ளனர்.

கோவையைச் சேர்ந்தவர் கிருஷ்ணமூர்த்தி. கடந்த நான்கு ஆண்டுகளாக இன்போசிஸ் நிறுவனத்தின் எனர்ஜி யுடிலிட்டி சர்வீஸ் பிரிவில் பணியாற்றி வருகிறார்.